बैशाख २०,काठमाडौ । आफन्तलाई घरभित्र थुनि बाहिरबाट घरमा आगो लगाई दिएको अभियोगमा १ पुरुष पक्राउ गरिएको छ ।

मिति २०७८।०१।०९ गते राती अन्दाजी ००:३० बजेको समयमा जिल्ला लमजुङ दुधपोखरी गउँपालिका वडा नं. १ कुश्वारा बस्ने बर्ष ३१ को रोहनराज धितालले आफ्नो दाजु महेश्वर धिताल र निजको श्रीमती लगायतका जना ४ घरपरिवारहरु घरमा सुतिरहेको अवस्थामा घरको ढोकामा बाहिरबाट चुक्कल लगाई घरमा आगो लगाई दिई फरार भएकोमा निज रोहनराज धिताललाई मिति २०७८।०१।१२ गतेका दिन कानुन बमोजिम पक्राउ गरि निज उपर आपराधिक उपद्रव शिर्षकमा मुद्दा दर्ता गरि सम्मानित लमजुङ जिल्ला अदालत लमजुङबाट म्याद आदेश लिई जिल्ला प्रहरी कार्यालय लमजुङको हिरासतमा राखी आपराधिक उपद्रव र ज्यान मार्ने उद्योग तर्फ थप अनुसन्धान भईरहेको सो घटनामा निज महेश्वर धितालको घर पूर्ण रुपमा जली घरमा रहेको लत्ता कपडा,अन्नपात,भाँडा बर्तन तथा नगद रकम र सुन लगायतका धनमालहरु क्षति भएको जिल्ला प्रहरी कार्यालय लमजुङका प्रमुख प्रहरी नायब उपरीक्षक गंगा थापाले जानकारी दिनुभयो ।