बैशाख २० लमजुङ । मिति २०७७।१२।३० गतेका दिन हराई बेपत्ता भएका जिल्ला लमजुङ दुधपोखरी गाउँपालिका वडा नं. ३ फुलिनगिरी बस्ने राजकुमार गुरुङको नाबालक छोरा बर्ष ७ को यूकेश गुरुङ मिति २०७८।०१।०१ गते साँझ अं. ५:०० समयमा घर देखी अं. ३०० मिटर टाढा रहेको खोल्सामा मृत अवस्थामा फेला परेको छ ।

प्राप्त सुचना अनुसार कार्यालयका  जिल्ला प्रहरी कार्यालय लमजुङ प्रहरी प्रमुख प्रहरी नायब गंगा बहादुर थापा सहितको अनुसन्धान टोली घटनास्थलमा गई प्रारम्भिक अनुसन्धान गर्दा निज युकेश गुरुङको घाँटीमा केही चिजबस्तुले प्रहार गरी हत्या गरेको खुल्न आई मृत लाशलाई पोखरा स्वास्थ्य बिज्ञान प्रतिष्ठान,गण्डकी अस्पताल पोखराबाट पोष्टमार्टम गराई आफन्तको जिम्मा दिईएकोमा उक्त घटनामा सम्बन्धमा मृतकका आफन्त, घर परिवार लगायत मृतक जान सक्ने सम्भावित ठाउँका मानिसहरु उपर सुक्ष्म रुपमा अनुसन्धान गर्दै जादा युकेश गुरुङलाई हत्या गर्ने कार्यमा संलग्न सोही ठाउँ बस्ने मृतककै छिमेकी ४८ बर्षिय फुलमाया कामी रहेको प्रहरी अनुसन्धानबाट खुल्न आई निजलाई मिति २०७८।०१।१२ गते घरबाटै पक्राउ गरीएको, निज फुलमाया कामी उपर सम्मानित लमजुङ जिल्ला अदालतबाट म्याद थप अनुमति लिई उक्त घटनाको सम्बन्धमा जिल्ला प्रहरी कार्यालय लमजुङबाट थप अनुसन्धान भई रहेको प्रहरी नायब उपरीक्षक गंगा थापाले जानकारी दिनुभयो ।